Президент сайлауы: Мейрам Қажыкен ОСК-ға құжаттарын тапсырды

АСТАНА. ҚазАқпарат — 4 қазанда Орталық сайлау комиссиясына Президент сайлауына кандидат ретінде ұсынылған Мейрам Қажыкеннің құжаттары тапсырылды, деп хабарлайды ҚазАқпарат ОСК сілтеме жасап.

ҚР Президентінің 2022 жылғы 20 қарашаде өтетін кезектен тыс сайлауына «Аманат» Қазақстан кәсіподақтарының достастығы РКБ кандидат ретінде ұсынған Мейрам Қажыкеннің жеке құжаттары ұсынылды», — делінген комиссия хабарламасында.

Ұсынылған құжаттардың арасында «Аманат» Қазақстан кәсіподақтарының достастығы РКБ жоғары органы отырысының Қазақстан Республикасының Президенттігіне ұсыну туралы хаттамасынан үзінді; М. Қажыкеннің Қазақстан Республикасының Президенттігіне кандидат болуға келісімі туралы өмірбаяндық деректері қоса берілген өтініші; ҚР Орталық сайлау комиссиясының шотына сайлау жарнасының енгізілгенін куәландыратын құжат; Жеке басын куәландыратын құжаттың көшірмесі; Жоғары білім туралы дипломдардың көшірмелері бар.

Еске салсақ, кеше кезектен тыс президент сайлауына «Астана» халықаралық ғылыми кешенінің экономикалық зерттеулер институтының басшысы Мейрам Қажыкеннің кандидатурасы ұсынылғанын хабарлаған болатынбыз.

https://www.inform.kz/kz/prezident-saylauy-meyram-kazhyken-osk-ga-kuzhattaryn-tapsyrdy_a3986557