Облыс әкімі Мәжіліс және мәслихаттар сайлауында дауыс берді

Ақмола облысы әкімі Ермек Боранбайұлы Маржықпаев Облыс орталығындағы №8 сайлау учаскесінде Қазақстан Республикасы Мәжілісі мен жергілікті маслихаттар сайлауында дауыс берді, деп хабарлайды Aqmolnews ақпарат агенттігі.

Естеріңізге сала кетейік, 19 наурыздағы Мәжіліспен және мәслихаттар сайлауы – Қазақстанның саяси жаңғыруының жаңа кезеңі. Сол себепті, әр қазақстандық өз таңдауын жасап, саяси оқиғаға белсенді араласқаны абзал.

Ал, Көкшетау қаласының №8 сайлау участкесінің төрайымы Сандуғаш Нұрқанованың берген мәліметіне сүйенсек:

– Жалпы, №8 участкеде, сағат 10:30-ға дейін 185 адам дауыс берді. Негізі 1523 тұрғын осы сайлау участкесінде дауыс беруі тиіс. 3 адам үйде дауыс береді. Дауыс беру процесі бақылаушылардың қатан қадағалауында.

Сайлауға қатысу барша халықтың парызы деп білемін. Себебі, бұл елдің дамуы мен өркендеуіне халықтың тікелей тигізер әсері, деп толықтырды сөзін участке төрайымы.