«Ұлттық Құрылтай:халқымыздың бірлігі мен дамуына бастаған маңызды қадам»
Дидар ОРАЛБЕКҰЛЫ,
«Ұлттық Құрылтай:халқымыздың бірлігі мен дамуына бастаған маңызды қадам»
Бурабайда өткен Ұлттық Құрылтайда мемлекет пен қоғам арасындағы тиімді диалогты дамыту, халықтың мәселелеріне жауап беруге және ұлттық бірлікті нығайтуға ықпал ететін өзекті мәселелер қарастырылды.
Ұлттық құрылтайда Президентіміз идеологиялық бағыттағы басымдықтарды да айқындап берді. Бұл орайда кино өндірісіне жіті мән беріп, дайын фильмдерді экранға шығармас бұрын ұлттық мүдде тұрғысынан мұқият зерделеудің берері мол екені анық.
Биыл Жұмысшы мамандықтар жылы аясында көптеген іргелі бастамалар қолға алынып жатыр. Осы бағытта кәсіби техникалық колледждер жаңа мамандықтарға сұранысты және еңбек нарығындағы жағдайды ескеруге тиіс. Мемлекет басшысы өз сөзінде осы мәселені баса айтты.
Сондай-ақ Президент белгілеп берген негізгі міндеттің бірі – жекелеген бағыттар бойынша мемлекеттік аппараттың жұмысын жүйелеп, ретке келтіру. Соның аясында түрлі салаға қатысты бағдарламалар мен кешенді жоспарларды қайта жаңғырту аса маңызды.
Білім беру ісін дұрыс тәрбиеге негіздеу арқылы озық ойлы ұрпақ, адал азамат қалыптастыру аса маңызды екені нақты айтылды.Құрылтайда көтерілген басты мәселелердің бірі – салық жүйесінің жаңғыруы. Президент мемлекеттің әлеуметтік міндеттемелерін толық орындау үшін тұрақты қаржыландыру қажет екенін айтты. Алайда халықтың көбі экономикалық және қаржылық мәселелерді терең түсінбейді. Сондықтан бұл реформаларды қарапайым тілмен түсіндіру маңызды.
